كنت هناك ..
فرح جميل في أحد المناطق الشعبية في القاهرة ... حارة عرضها حوالي 2 متر ... بيوت صغيرة علي الجنبين ... حتة قماشة بعرض الشارع قدامها كرسيين ( الكوشة يعني ) ... شوية كراسي حمراء قدام الموشة ... ما يشيه ال DJ وراء الناس ... طبعا الناس قاعدة مبسوطة ومستريحة وبترقص وبتهني ... شوية عيال لابسين شباشب ونازلين رقص .. العريس والعروسة لابسين بدلة و فستان متأجرين أكيد.
وسط كل هذا تداعي إلي ذهني فرح تاني حضرته في المظلات ... وأفراح تانية شفتها لأبناء الوزراء ورجال الأعمال ... أفراح معدية ال نص مليون جنيه تكلفة الفرح بس ... قارنت بين النص مليون جنيه ده وبين ال 15 أو 20 ألف جنيه اللي بتوع الحي الشعبي فرشوا الشقة واتجوزوا وعملوا الفرح بيهاقارنت بين ده وده واستغربت ...
هو الناس اللي في الحي الشعبي ده قاعده في الفرح ليه ؟؟؟
مش حاسين ليه إنهم مظلومين وطالع (...) اللي جابوهم ...
مش حاسين ليه بالفرق الطبقي الرهيب بينهم وبين ولاد البهوات ... مش حاسين ليه بالذل والمهانة لإنهم طالع عنيهم ومش واخدين أي حاجة بس فيه غيرهم واخد كل حاجة..
.استغربت الناس ده قاعدة مبسوطة أوي كده ليه في الماتريكس بتاعها مع إنهم المفروض يطلعوا يحاربوا ويشيلوا سلاح يدافعوا بيه عن نفسهم وعن حقوقهم ويشيل الظلم اللي عليهم..
.أنا معنديش أي تحيز ضد الثراء بس عندي ألف ألف تحيز ضد الظلم وعدم العدلالله يرحم سيدنا عمر بن الخطاب لما قال : " إني حريص علي ألا أدع حاجة إلا سددتها ما اتسع بعضنا لبعض , فإذا عجزنا تأسينا في عيشنا حتي نستوي في الكفاف "ده الفرق بين اللي كان سيدنا عمر عليه وبين اللي احنا عليهوربنا يرحم العظيم أمل دنقل لما قال : "لا تحلموا بعالم سعيد"هو فهم اللي فيها واحنا لأ ... عارفين ليه ؟؟؟ لإن الأوضاع الإجتماعية الظالمة مسختنا وحرمتنا حتي حاسة الإحساس بالظلم وحتي شعور الإنسان بالحرمان كما يقول العبقري الشهيد سيد قطب
رب نسألك الرحمة...
Psycho
No comments:
Post a Comment